Friday, November 5

ഡോ. കെ. എന്‍. എഴുത്തച്ഛന്‍- -- വലത്തിനെ കുറിച്ച്

click to read about      K N Ezhuthachan കവിത, ചെറുകഥ, ഉപന്യാസം തുടങ്ങി സാഹിത്യത്തിന്റെ പല ശാഖകളിലും പ്രവര്‍ത്തിച്ചു പേരെടുത്തിട്ടുള്ള ശ്രീ വി.വി.കെ. വാലത്തിന്റെ കൂടുതല്‍ കനപ്പെട്ട സംഭാവനകള്‍ ചരിത്രത്തിന്റെ മണ്ഡലത്തിലാണ് വരുന്നതെന്ന് തോന്നുന്നു. ചരിത്രകാരന്‍മാരുടെ എണ്ണം എവിടെയും കുറവായിരിക്കും. സര്‍ഗ്ഗാത്‍മകസാഹിത്യകാരന്റേതിനെക്കാള്‍ എത്രയോ ദുര്‍ഘടമാണ് ചരിത്രലേഖകന്റെ ജോലി. സ്‍ഥലചരിത്രകാരന് കൂടുതല്‍ പരിശ്രമം വേണം. പല പല കാര്യങ്ങള്‍ നേരിട്ടു മനസ്സിലാക്കുക, ഐതിഹ്യാദികളും മറ്റും ശേഖരിക്കുക, സാഹിത്യ കൃതികള്‍, പ്രാചീന ലിഖിതങ്ങള്‍, തീട്ടൂരങ്ങള്‍, ഗ്രന്ധവരികള്‍ , കത്തുകള്‍‍, ഡയറികള്‍ മുതലായവ പരിശോധിക്കുക,--- ഇങ്ങനെ ഒട്ടധികം ജോലി അയാള്‍ക്കു ചെയ്യേണ്ടതുണ്ട്. ക്ഷമയും, സമയച്ചെലവും, പണച്ചെലവും ഒട്ടേറെ ഇതിനാവശ്യമാണ്. വിശാലമായ അറിവും ഓര്‍മ്മശ‍ക്തിയും നിഷ്‍പക്ഷതയും ത്യാജ്യഗ്രാഹ്യവിവേകവുമെല്ലാം ലേഖകനു വേണം. ഇതെല്ലാം ഒത്തുചേര്‍ന്നവര്‍ നമ്മുടെ നാട്ടില്‍ കുറവായതാണ് സ്‍ഥലചരിത്രങ്ങള്‍ കുറവായതിനു കാരണമെന്നു സംശയമില്ല. അര്‍പ്പണമനോഭാവത്തോടുകൂടിയ ദീര്‍ഘപഠനം ആവശ്യമായ ഈ വിഷയത്തില്‍ കാര്യമായി പലതും പ്രവര്‍ത്തിക്കുകയും സിദ്ധി സമ്പാദിക്കുകയും ചെയ്‍തിട്ടുള്ള വ്യക്തിയാണ്, ശ്രീ വാലത്ത്. കേരളത്തിലെ എല്ലാ ജില്ലകളെ സംബന്ധിച്ചും ഇത്തരം ഗ്രന്ഥങ്ങള്‍ ഉണ്ടായാല്‍ കൊള്ളാമെന്ന് വായനക്കാര്‍ ആഗ്രഹിക്കാതിരിക്കില്ല. ശ്രീ വാലത്തു തന്നെ ഈ പ്രവര്‍ത്തനം തുടരുന്നത് എല്ലാംകൊണ്ടും ഉചിതമായിരിക്കും. 1981 

0 കമന്‍റുകള്‍:

Post a Comment