സ്ഫോടനം വരുന്നേരം
സ്ഫോടനം നടന്നെന്നാല്‍ ,
മന്ത്രിമാര്‍ അപലപിക്കണം
നടന്ന സ്ഥലത്തെത്തണം
നടുക്കം രേഖപ്പെടുത്തണം .
ഭീകരരുടെ, യഴിഞ്ഞാട്ടമെന്ന്
മുഖപ്രസംഗം ചമയ്‍ക്കേണം
ആര്‍ഡീയെക്‍സോ, ജലാറ്റിനോ
അതോ അമൊണിയം നൈട്രേറ്റോ?
ബോംബു സ്‍ക്വാഡിനെ വിട്ട്
മരുന്നേതെന്നു ഗണിക്കേണം
മുജാഹിദോ തോയിബയോ
പിന്നിലാരെന്നൂഹിക്കേണം
അന്വേഷണത്തിനേജെന്‍സി
ഏതുവേണമെന്നന്വേഷിക്കണം.
നാടൊട്ടുക്കു ഭീകരാക്രമണ
മുന്നറിയിപ്പുപരത്തേണം
സുരക്ഷാപാലന വീഴ്ചകള്‍
കണ്ടില്ലെന്നു നടിക്കണം
മരിച്ച വിദേശിയെത്ര, സ്വദേശിയെത്ര
ആണുപെണ്ണെത്ര, മലയാളി പെട്ടുവോ
കണക്കുകള്‍ കൃത്യ മായെടുക്കണം
കനത്ത സുരക്ഷ കല്‍പ്പിക്കണം
മരിച്ചോര്‍‍ക്കു രണ്ടും, അല്ലെങ്കിലൊന്നു
ലക്ഷമാശ്വാസം നല്‍കണം.
സംശയാസ്‍പദമായ്‍കണ്ട
യാചകരെ അറസ്‍റ്റു ചെയ്യണം.
അന്വേഷണം വേണ്ടിവന്നാല്‍
ഗള്‍ഫു നാട്ടിലേക്ക് നീട്ടണം
പിന്നെപ്പോയ്‍ ഉറങ്ങീടാം
അടുത്ത സ്ഫോടനം വരേ...
- ഐന്‍സ്റ്റീന്‍ വാലത്ത്
-----------------------
0 കമന്‍റുകള്‍:
Post a Comment